✏உன்னை நீ உணர்ந்தால்
உன் ரப்பை நீ பணிவாய்!!!
✏உன் கண்களை மூடிக் கட்டிக்கொண்டு
ஒரு நாள் முழுதும் இயங்கிப் பார்...
✏பார்வை என்ற ஒன்றைத் தந்த
படைத்தவன் அருளை உணர்வாய்...!
✏வாய் பேசாமல் சைகை மூலம் -உன்
மனதில் தோன்றுவதை வெளிப்படுத்து...
✏பேச்சாற்றல் என்ற பேரருளின் சிறப்பை உனக்குள் உணர்ந்து கொள்வாய்...!
✏ஒற்றைக்காலில் ஒரு மணி நேரம்
தடுக்கி விழுந்து நடந்து பார்...
✏நீ மற்றைய காலின் மகிமை எண்ணி மனங்குளிர்ந்து தான் போவாய்...!
✏கையை முழுதும் கட்ட வேண்டாம்
விரல்களை மடக்கிக் கொண்டு - உன் சுய தேவைகளை செய்து பார்...
✏விரல்களின் விசித்திரம் அறிவாய்...!
✏துடிக்கும் இதயம் பற்றி நீ அலட்டிக்கொள்வதில்லை
அதிலோர் ஓட்டை விழுந்தவரிடம் கொஞ்சம் இதயம் பற்றிக் கேளு...
✏உண்மைகள் புரியும் உனக்கு...!
✏இழுத்து விடும் மூச்சின்
அருமை என்றுமே புரிந்ததில்லை
மூன்று நிமிடம் மூக்கைப் பிடித்துப் பார்...
✏முழுதும் உணர்ந்து கொள்வாய்...!
✏இயற்கை உபாதைகள் இயல்பாய் நடப்பதால்...
✏அதன் அவசியம் அறிந்ததில்லை...
✏இரு நாட்கள் அதில் சிக்கல் வந்தால் தெரியும் கழிவகற்றலின் மகிமை...!
✏தினமும் இயங்கிய மூளை ஓர் நாள்
திடீரென இயங்க மறுத்தால்...
✏கோமா எனும் நிலையினை நீயும்
கொஞ்சம் கண் முன்னே நிறுத்து...!
✏இப்படி எம்மில் இறைவன் தந்த
அத்தனை உறுப்புக்களினதும்
இயக்கம் இருக்கும் வரையில்
எமக்கு எதுவுமே புரிவதில்லை...
✏குருடு செவிடு ஊமை முடம்
என எந்த ஊனமும் இல்லா
முழு உடலைத் தந்த ரப்பை மறத்தல் -உன் மனதின் ஊனம் அன்றோ?
✏உன் அங்கம் ஒவ்வொன்றும் தங்கம் தான் என்பதை உளமாற உணர்ந்தால்...
✏இறையருள் உன் மீது கொட்டிக்கிடப்பதை தானாய் உணர்ந்து கொள்வாய்...!!!
✏இத்தனை அருட்களை உனக்குக் கொடுத்த படைத்தவன் உன்னிடம் வேண்டுவதெல்லாம் - தினம்
பாங்காய் ஐவேளை சிரம் பணிந்திடும் பயம் பக்குவம் நிறைந்த மனதைத் தான்...!
✏உன்னை உணராமலயே நீ வாழ்ந்து விட்டால் மறுமையில் வெற்றி என்பதே இல்லை...
✏படைத்தவனை நீ புரிந்து கொண்டால் என்றும் தோல்வி உனக்கில்லை!!!
🌹 إن شاء الله 🌹
கருத்துகள் இல்லை:
கருத்துரையிடுக